На вуліцы Падольнай у Гродне прадаюць недабудаваны цагляны дом. Катэдж знаходзіцца па суседстве з «домам Дракулы» – аб’яву выставілі на пляцоўцы «Куфар».
Інтэрнэт праведзены, а каналізацыя – не
Недабуд стаіць на першай берагавой лініі Нёмана – плошча ўчастка складае больш за 12 сотак. Трохпавярховы катэдж быў пабудаваны ў 2021 годзе з цэглы, яго агульная плошча – 585, 3 кв. м. У доме больш за пяць пакояў. Падключана газавае ацяпленне, ёсць цэнтральнае водазабеспячэнне і праведзены інтэрнет. А вось каналізацыя адсутнічае – замест яе выграбная яма.
На тэрыторыі можна ўладкаваць зоны для адасобленага адпачынку
Катэдж прадае ўласнік – прычыну продажу не пазначае. Паводле аб’явы, у недабудаваных аб’ектаў ёсць «патэнцыял прэміум-аб’екта»: прадавец адзначае унікальную геаметрыю катэджа, панарамны від на Нёман і ўдалае размяшчэнне ў турыстычнай зоне.
Лакацыя дазваляе ўладкаваць на тэрыторыі схаваныя ад старонніх вачэй альтанкі або краявідныя пляцоўкі для адасобленага адпачынку.
Ад каворкінгу да штаб-кватэры: у што можна ператварыць недабуд?
Недабудаваны аб’ект можна ператварыць у “канцэптуальны рэстаран з тэрасай”, спа-комплекс: штаб-кватэру буйной кампаніі або арт-галерэю. Па словах уласніка, з недабудаваных аб’ектаў можа атрымацца каворкінг, буцік-або апарт-гатэль. Пры жаданні катэдж можна выкарыстоўваць як жылы дом прэміум-класа.
Пакупнік атрымае права на пажыццёвае валоданне домам. Кошт квадратнага метра – $350. Поўны кошт недабуда на дадзены момант складае 603 503 руб. Дом можна набыць у растэрміноўку, уласнік таксама гатовы разгледзець варыянты абмену.
Чытайце таксама: У Гродне на выходных ледзь не згарэў «замак Дракулы»
